Yog tias koj txiav chais tsis tau koj tsob ntoo yam ob txhais kotaw sawv twj ywm hauv av, zoo dua rau koj ntiav ib tug kws txawj thiab tsis txhob nce ntaiv!
Qhov koj txiav ntoo tsis yog kuj yuav ua rau tsob ntoo raug mob thiab koj yuav tag nyiaj ntau tshaj li tsim nyog, zoo dua rau koj ntiav tuam txhab tu ntoo tuaj txiav tam li koj tsob nto peem txojsia lawm.
Thaum ua tib zoo txiav thiab chais, yuav ua rau tsob ntoo nyob ntev, thiab yuav pab tau rau lub zej zog xws li huab cua huv, huab cua txias, tsev muaj nqis, thiab koog tsev zoo nkauj.
Lub koom haum Sacramneto Tree Foundation yeej tsis pom zoo rau ib tug kws kho ntoo twg, tuam txhab tu ntoo twg, lossis ib tug twg los tham txog kev tu ntoo.
Yuav tu xyuas koj tsob ntoo laus li cas
Ib tus kws ISA Certified Arborist yog li cas?
Cov kws ISA Certified Arborist yog cov kws kawm tiav kev tu ntoo thiab muaj ntaub ntawv uas koj nrhiav pom tau nyob rau lub koom haum saib xyuas ntoo, International Society of Arboriculture (ISA).
Ib tus kws ISA Certified Arborist yuav pab koj nkag siab tej yam uas koj tsob ntoo nij thiab nqis tes pab kho raws li tsim nyog kom tsob ntoo loj hlob tau zoo.
Ib tus kws consulting arborist yog li cas?
Yog tej neeg uas muaj cai los khiav haujlwm ntsig txog ntoo thiab paub ntsuas seb tus ntoo yog li cas.
Coob tus consulting arborist tsis ua haujlwm tu ntoo. Tiamsis, yog koj muaj teeb meem txog ib yam ntoo twg es xav tau lawv txoj kev xav thib ob ces lawv tuaj ntsuas tau. Qhov uas lawv tuaj xyuas kuj pab kom paub txiav txim siab yuav ua li cas ua ntej koj ntiav neeg tuaj tu tsob ntoo.
Cov no kuj paub yuav tiv thaiv ntoo li cas hauv tej chaw uas tsim tsa txuas tsev lossis paub kev cai lij choj los hais rau tsev hais plaub.
Thaum ntiav tuam txhab tu ntoo:
- Nco tseg, ib daim lais xees ua lag luam tsis txhais tau tias tes haujlwm yuav zoo lossis muaj ntawv pov hwm uas tsim nyog.
- Xyuas seb lawv lub tuam txhab zoo li cas tiag. Nrog tej neeg ua tau txais lawv kev pab dua los lawm seb lawv coj zoo li cas thiab nug txog tej ntoo uas lawv tau tu yav tag los seb lawv tes haujlwm zoo li cas.
- Mus rau ntau qhov chaw uas muab tus nqi rau koj thiab xyuas seb koj txaus siab rau tes haujlwm thiab tus nqi twg dua.
Ua ntej ntiav cov kws txawj tuaj
Mus xyuas rau ntawm koj lub zos seb puas nij ua ntawv tso cai permits ua ntej yuav txiav chais ntoo lossis muab txiav kiag tawm pov tseg.
Tej lus tsim nyog nug
Thov daim ntawv qhia tes haujlwm
Koj qhia tau li cas ib qho zuj zus tias koj xav kom khiav haujlwm li cas lossis nug txog tej uas lawv pom zoo ua. Txawm li cas los, hais kom lawv muab tej yam sau tseg seb lawv tes haujlwm no yog ua li cas.
Zoo dua rau koj thov daim ntawv qhia tes haujlwm no los ntawm ob peb lub tuam txhab.
Ua tib zoo xyuas seb:
- Lawv yuav tsis muab tsob ntoo txiav kom tseg ceg ntoo loj xwb (topping) lossis txiav raws li ua lion-tailing
- Lawv yuav tsis siv tej riam chob tsob ntoo thaum nce tsob ntoo (climbing spikes) tshwj tsis yog tias lawv yuav muab tsob ntoo txiav kiag tawm
- Tej kev txiav chais ntoo yuav ua raws li tej kev cai ANSI A300 Standards
- Tsis mus txiav ntau tshaj 25% cov nplooj ntawm ib tsob ntoo rau ib lub sijhawm twg - yog tias txiav nplooj ntau dhau lawm yuav ua rau tsob ntoo nyuaj siab thiab tsob ntoo yuav tuaj tau tsis zoo nkauj
Tej yam tseem ceeb koj tsim nyog paub ua ntej
Ib tsob ntoo uas txiav zoo li txiav plaub hau, yuav zoo li tsis pom tes haujlwm hlo li. Tsis yog yuav pom meej tias txiav npooj ntau npaum li cas, yog txiav tej uas tsim nyog ntawm tsob ntoo xwb.
Ua tib zoo xyuas seb lub hom phiaj ntawm txoj haujlwm no yog li cas. Piv txwv: txo kom txhob muaj kev phom sij rau tsob ntoo lossis kom txhob muaj ceg ntoo dam, kom siab txuas, kom tsob ntoo noj qab nyob zoo, pab kom zoo nkauj tuaj, tej ntawd.