Kev ywg dej ntau npaum li cas nyob raws seb koj cov av zoo li cas, hom ntoo dabtsi, thiab huab cua. Tej zaum yuav tau ywg dej ntau dua yog tias huab cua sov thiab cua hlob heev.

Thaum twg koj mam li paub tias txog caij ywg dej? Saib cov av!

Siv ib tug ciaj lossis pas hlau dig av los xyuas seb cov av tob li 6 eej ntawm tus ntoo (xam tias yog lub voj vos uas deb tshaj ntawm ceg ntoo uas ntev tshaj). Yog tias cov av tawv, qhuav, thiab phom phom, ces maj mam ywg dej rau. Yog tias cov av ntawd ntub thiab nplaum nplaum, cia kom qhuav tso mam li ywg dej dua.

Maj mam ywg dej kom cov av uas tob li 6 eej pib ntub zuj zus. Xyuas txhua 10-20 feeb seb cov dej puas tau mus txog qhov tob ntawd.

Nco tseg qhov sijhawm ywg dej rau koj cov ntoo yog ntev li cas, thiab yuav tos pes tsawg hnub ntxiv mam li ywg dej rau, ces teem caij kom koj nco qab ywg dej rau koj cov ntoo.

Feem ntau, cov ntoo mos yuav nij ywg dej li 1-3 zaus tauj ib lub lim tiam rau thawj 3 lub xyoos tom qab cog tag. Cov ntoo uas laus lawm yuav tau ywg dej li ib zaug tauj ib lub lim tiam nyob rau caij ntuj sov tsis muaj nag. Ib txhia ntoo uas ib txwm tuaj ntawm tebchaws no yuav tsis tas nij ywg dej rau sijhawm tsis los nag.

Thaum ua raws li tej tswvyim ywg dej li hauv qab no qhia, kuj tsis tshua suav kev ywg dej rau cov ntoo vim yuav tsis xav pub ib tsob ntoo twg tuag. Tsis ua li cas yog tias koj cov nyom daj rhuv, tiamsis xav kom muaj ntoo es peb tej zej zog thiaj li vam meej. Mus saib daim duab qhia kev no koj thiaj li paub ntxiv txog kevcai ywg dej rau ntawm koj thaj av.

Tej kev ywg dej uas tsis tas ua raws kev cai txwv sijhawm ywg dej yog:

• Drip irrigation
• Soaker hoses
• Cov txuas yas dej ywg uas tso kom yau
• Siv txoj yas uas ywg dej ntawm tes uas muaj qhov kaw tau
• Siv thoob ywg dej
• Tej dej uas siv tag lawm (siv tej xaub npum uas yog biodegradable xwb) thiab cov dej nag uas cug tau

Feem ntau, tej kais dej uas yog sprinkers thiab tej dej zis quav yuav txwv tsis pub siv.

Tsuas tag li $3 txhua hli los ywg dej rau cov ntoo uas lawm lawm. Zoo ib yam li tus nqi yuav kasfes haus, tej ntoo no lim peb cov pa cua, pab kom tsev txias zias, pab kom muaj dej nyob hauv av, pab txhim kho peb txoj kev noj qab nyob zoo, thiab tsim kom peb ib puag ncig zoo nyob. Peb nij tej ntoo no, thiab tej ntoo no nij dej.

Yog koj muaj cov wood chip mulch no tso ib ncig koj tsob ntoo ces yuav pab kom cov av tsis txhob qhuav sai thiab pab tau ntau yam ntxiv rau koj cov ntoo.

Tsis txhob siv pob zeb, tej ntaub, lossis nyom dag los pua ntawm thaj av uas cog ntoo - tej no yuav ua rau dej ywg mus nkim pov tseg thiab ua rau cov av sov heev.

Tsis txhob siv chiv tshwj tsis yog tias koj tau paub meej tias koj cov av nij dabtsi tiag. Tej ntoo tsis nij chiv. Tej chiv no yuav ua rau tej nplooj hlav, ces yuav tau ywg dej ntau dua.

Tos kom txog caij ntuj no mam li txiav cov ntoo. Yog tias tsob ntoo rov tuaj ntxiv tom qab txiav tej ceg ntoo pov tseg tag ces thaum caij ntuj sov ces yuav tau ywg dej dua.

Tsis txhob ywg dej ntau dhau lawm rau tej ntoo! Tej cag ntoo yeej nij dej, tiamsis lawv kuj nij pa cua oxygen thiab. Xyuas seb tej av puas qhuav ua ntej ywg dej, thiab maj mam ywg kom cov dej tsis txhob maj ntws mus hauv qab.

Rov siv tej qub dej dua yog tias ua tau. Muab lub thoob 5 nkas loos los cug cov dej txias hauv dab dej uas koj tso tawm mus thaum koj tos kom cov dej sov. Thiab xam seb puas cug tau tej dej nag lossis rov siv tej dej uas koj siv tag los ywg xws li dej uas ntxhua koj tej khaub ncaws, tsuav koj siv cov xaub npum uas yog biodegradable xwb.