Yuav cog ntoo li cas

Kev cog ntoo yeej tsis nyuaj, tiamsis txoj kev koj cog kuj yuav qhia tau seb puas yuav ciaj sia los tsis ciaj. Ua raws li tej

Zoo rau koj muaj tej yam khoom no:
  • Hnab looj tes
  • Ntaub yas pua lossis ntaub ntxhib
  • Tus hlau
  • Tus hlau kaus
  • Rab hlau dig (digging bar)
  • Rab txiav (root saw)
  • Cov hlua khi (muaj nrog cov ntoo lawm)
  • Cov pas txheem (muaj nrog cov ntoo lawm)
  • Rab hlau dig qhov (post pounder)
  • Ntaiv me
  • 5 nkas loos thoob
  • ~3 cubic feet hmoov ntoo
LUAM TAWM TEJ LUS QHIA

Yog tias koj yog ib tug tuaj fais fab los ntawm SMUD, peb tuaj xyuas koj thav av dawb xwb thiab pub txog 10 tsob ntoo dawb xwb! Tso npe los teem caij.

TSO NPE

Kauj Ruam 1: Muab lub hauv paus ntoo nthuav

A diagram shows the root ball of a tree after it's been removed from its pot. Fine roots have been untangled and bypass hand pruners are removing larger circling roots.

  1. Xyuas seb hauv paus ntoo cag ntev npaum cas thiaj li muab nthuav tau los cog rau hauv av. Tej zaum koj yuav tau muab ncho cov av tawm mus thiaj li pom lub hauv paus ntoo.

  2. Siv zog ncho lub hauv paus ntoo - muab tej cag nrhau, kom nthuav tuaj.

  3. Txiav tawm tej cag uas sib kauv lossis sib txuam pes daws.

  4. Rov muab tsob ntoo tso rau nws lub thoob thiab ywg dej rau ib tsam cov cag qhuav tag lub sijhawm koj tab tom khawb lub qhov ntoo cog.

Muab tsob ntoo ywg dej kom zoo zoo ua ntej koj muab tshem tawm ntawm lub thoob kom cov cag tsis txhob qhuav.

Root flare - Hmong
Root flare - Hmong

Kauj Ruam 2: Khawb qhov cog ntoo thiab cog tsob ntoo

A diagram shows a sapling removed from its pot placed into a wide, shallow planting hole prior to backfilling removed soil. One of the wooden stakes is laid across the hole and next to the tree trunk to check the planting height - the soil should be just at the root flare.

  1. Muab tej nyom thiab nroj luaj tawm kom dav li 4 feet.

  2. Khawb ib lub qhov kom dav li 4 feet thiab tsuas tob li cov cag ntoo ntev xwb. Ces qhov tob yuav nyias txawv nyias rau ib tsob ntoo twg. Siv rab hlau lossis rab hlau dig los nrau cov ntug ntawm lub qhov av kom tsis txhob du.

  3. Muab tsob ntoo cog rau lub qhov uas koj khawb kom lub hauv paus ntoo nyob txij li saum npoo av. Yuav kom ntsuas seb koj cog tob npaum cas, muab tus pas txheem ntawd tso tig ua ntsais rau sab tid (across) lub qhov - ces lub hauv paus ntoo yuav tsum nyob nruab nrab tus pas txheem.

  4. Muab av tshiab tso rau lub qhov uas koj khawb; muab av faus kom txij hauv paus ntoo. Tsis txhob siv tej av, tej chiv, lossis av chiv koj yuav tom khw los w rau.

Soil level - Hmong

Kauj Ruam 3: Muab cov pas txheem uas nrog tsob ntoo tshem tawm thiab txhos cov pas pab txheem

Remove the nursery stake - Hmong

  1. Tshem tawm cov pas txheem nyias nyias uas khi nrog tsob ntoo tua. Thaum muab tshem lawm, yuav pab tsob ntoo tej cag loj hlob khov kho.

  2. Yog tias tsob ntoo tsis sawv khov kho tau, txuas 2 tus pas txheem ib sab rau ib sab deb li ntawm 18 eej (inches) ntawm tsob ntoo.

  3. Muab hlua khi kom txhob ruaj heev dhau ntawm ze 2/3 ntawm hauv paus ntoo, kom xoob thiab tsob ntoo yeej tseem txav tau tig mus sab twg los tau.

Muab pas txheem thiab hlua khi twj ywm kom txog txij cov cag ntoo hlav hauv av lawm - thaum koj muab tsob ntoo co thiab cov av tsis nti lawm (6 hli txog 2 xyoos).

Kauj Ruam 4: Muab hmoov ntoo sib txuam

Mulch for trees - Hmong

Tej hmoov ntoo yuav pab kom tsis tau ywg dej ntau, kom txhob tuaj nroj, pab kom cov av tsis txhob kub lossis txias dhau, thiab kom cov av zoo rau koj tsob ntoo tuaj sai.

  1. (nyob ntawm koj xav tau) Muab av chiv (compost) w 1 eej rau saum toj ntawm cov av kom tej chiv no nkag mus rau hauv av sijhawm dhau mus.

  2. Muab cov hmoov ntoo no w li ntawm 4 feet ntau tagnrho ib puag ncig tsob ntoo, deb li 4 eej ntawm tsob ntoo, thiab kom tuab li 6 eej.

  3. Muab hmoov ntoo tso ntxiv rau saum toj yog tias nws puas zuj zus, li ib xyoo ib zaug. Tsis txhob cia kom nyom tuaj ze tsob ntoo.

Xyuas cov tswv yim peb muaj hais txog siv hmoov ntoo rau koj cov ntoo thiab yuav pab tau koj cov ntoo li cas, hom twg zoo dua, thiab koj mus nqa tau hmoov ntoo PUB DAWB li cas.

KAWM NTXIV

Kauj Ruam 5: Maj mam ywg dej, ywg kom tob rau tej hli uas kub heev

Watering - Hmong

  1. Xyuas cov av hauv av seb puas qhuav thiab yuav nij ywg dej li cas.

  2. Tho ib lub qhov me ntawm kotaw thoob 5 nkas loos thiab muab tso ib sab ntawm tsob ntoo. Muab dej tso rau tam sid tom qab cog ntoo tag. Rov tso dej li 1-3 zaug tauj ib lub lim tiam, kom ntau li 10-15 nkas loos tauj ib lub lim tiam.

  3. Thaum koj tsob ntoo loj tuaj, ywg dej sab nraud kom deb li cov ceg ntoo tuaj txij.

  4. Kav tsij ywg dej rau koj tsob ntoo txhua lub lim tiam rau thawj 3 lub xyoos ntawd. Thaum tsob ntoo pib loj hlob tuaj thiab cov cag ntoo khov kho tuaj, kev ywg dej kuj yuav txawv. Mus nyeem ntxiv txog kev ywg dej rau cov ntoo laus.

Cov yas soaker hoses thiab drip emitters kuj ua haujlwm zoo thiab. Cov tsuag dej rau nyom yuav tsis ywg dej ntau txaus rau tej ntoo.

KAWM NTXIV

Kauj Ruam 6: Txiav kom tuaj zoo

Structural pruning - Hmong

Pib txiav mentsis thaum txog caij ntuj no tom qab koj cog tsob ntoo tag thiab rov xyuas txhua caij ntuj no. Qhov koj txiav mentsis thaum tsob ntoo tseem tsis tau laus yuav pab kom tsis tau ntiav neeg tuaj txiav ib tsob ntoo uas loj laus lawm.

  1. Txiav tawm tej ceg ntoo uas dam lawm, tuag lawm, lossis sib qhaib, tej vws txwv uas tuaj ntawm ntoo, thiab tej nroj ntoo uas tuaj ntawm tus ntoo ib sab.

  2. Pab xaiv kom tsob hauv paus ntoo tuaj tau zoo. Txiav tawm tej ceg ntoo uas tuaj thiab cuam tshuam tsob ntoo txoj kev loj hlob.

  3. Tsis txhob txiav cov ceg ntoo uas tuaj ze hauv paus ntoo - lawv yuav pab kom tsob ntoo loj khov kho! Yog tias lawv tuaj ntev dhau lawm, muaj txiav kom luv txij li 1 foot xwb.

Mus nrhiav lus qhia ntxiv seb yuav txiav li cas lossis saib ib daim yeeb yaj kiab los pab koj paub txiav ntoo.

KAWM NTXIV

Tom qab koj cog ntoo tag lawm, ua dabtsi ntxiv?

Ywg Dej
Txiav Tawm
W Hmoov Ntoo
Ntiav Tus Kws Kho Ntoo